कञ्चनपुर । कञ्चनपुरका पालिका, प्रदेश र संघीय सरकार मातहत रहेका विभिन्न सरकारी कार्यालयका कर्मचारीले कर्मचारीमैत्री संघीय निजामती ऐन बन्नुपर्नेमा जोडदिएका छन । शनिबार नेपाल निजामती कर्मचारी संगठन कञ्चनपुरले बेलौरीको शोभातालमा आयोजित गरेको अन्तरकृया कार्यक्रममा कर्मचारीले कर्मचारीमैत्री संघीय निजामती ऐन बन्नुपर्नेमा जोडदिएका हुन ।
एमाले निकट निजामती कर्मचारी संगठन कञ्चनपुरका अध्यक्ष मान बहादृुर चन्दले संघीय निजामती सेवा ऐनमा समावेश गर्नुपर्ने विषय एव कर्मचारीमैत्री संघीय निजामती सेवा ऐन निर्माणमा कर्मचारी संगठनको भूमिमा बारे छलफल गरिएको बताए ।
अध्यक्ष चन्दले पालिका, प्रदेश र संघीय सरकारका विभिन्न तह कार्यालयमा कार्यरत कर्मचारीले विभिन्न गुनासा एव सुझाव सल्लाह दिए अनुरुप संगठनले कर्मचारीको हितमा सोही अनुरुप अघि बढ्ने बताए । नेपाल निजामती कर्मचारी संगठनका महासचिव महादेव जोशीले संघीय निजामती कर्मचारी ऐनका विषयमा जिल्ला जिल्लाबाट आएका सुझाव अनुरुप संगठनले प्रदेश स्तरदेखि केन्द्रसम्मै पैरवी गर्ने बताए । कार्यक्तममा नेकपा एमाले कञ्चनपुरका सचिव समेत रहेका प्रमुख अतिथि पल्लवराज भट्टले कर्मचारीले अघि सारेका विषयमा पाटी संगठन गम्भिर भएको बताउँदै कर्मचारीमैत्री कानुन बनाउने तर्फ जोडदिए । कार्यक्रममा नेपाल निजामती कर्मचारी संगठन कञ्चनपुरका नेता प्रताप चन्द, लोकेन्द्र प्रशाद भट्ट, हरक सिह धामी, धौलराम सार्की सहितका कर्मचारीले संघीय निजामती ऐन विभेद रहित सम्पूर्ण कर्मचारीमैत्रीमा जोडदिएका छन । नेपाल निजामती कर्मचारी संगठनका अध्यक्ष मान बहादुर चन्दको अध्यक्षतामा भएको कार्यक्तममा एमाले कञ्चनपुर सचिव पल्लवराज भट्ट प्रमुख अतिथि रहेका थिए । नेपाल निजामती कर्मचारी संगठन कञ्चनपुरका सचिव दिनेशराज भट्टले संचालन गरेको कार्यक्रममा कर्मचारी, जनप्रतिनिधी एव एमाले नेता कार्यकर्ताको सहभागिता रहेको थियो ।
