काठमाडौं । रक्षाबन्धनको अवसरमा आमिर खानको फिल्म लाल सिंह चड्डा हलमा रिलिज भएको छ । बहुप्रतिक्षित चलचित्र लाल सिंह चड्डा फिल्म हलमा प्रदर्शनमा आएसँगै फ्यानहरुको प्रतिक्षाको घडी सकिएको छ । फिल्मले रिलिजपछि निकै राम्रो प्रतिक्रिया पाइरहेको छ ।
सामाजिक सञ्जालदेखि पत्रपत्रिकासम्म फिल्मको तारिफ भइरहेको छ । फिल्मको कथासँगै आमिर खानको अभिनयलाई पनि दर्शकले रुचाइरहेका छन् ।
यसैबीच फिल्मलाई लिएर सेलिब्रेटीको प्रतिक्रिया पनि आइरहेको छ । बलिउडका कयौं दिग्गज कलाकारले सामाजिक सञ्जालमा फिल्मलाई लिएर आफ्नो प्रतिक्रिया दिएका छन् ।
सुस्मिता सेन :
बलिउड अभिनेत्री सुस्मिता सेनले आमिरको नयाँ फिल्मको खुलेर तारिफ गरेकी छिन् ।
उनले ट्विट गर्दै फिल्मलाई शानदार भनेकी छन् । सुस्मिताले ट्विट गरिन्, ‘सुन्दर प्रदर्शन ११ लालसिंह चड्डाको सम्पूर्ण टिमलाई बधाई छ। फिल्म हेर्दा राम्रो लाग्यो।
हंसल मेहता :
चर्चित फिल्म निर्देशक हंसल मेहताले पनि फिल्मको तारिफ गरेका छन् । योसँगै फिल्म लगानका निर्देशकले पनि फिल्मको तारिफ गरेका छन् ।
आशुतोष गोवारीकर :
आशुतोष गोवारीकरले ट्विटर मार्फट आमिरलाई बधाइ दिएका छन् ।
उनले ट्विट गरेका छन् आमिर-करीनाको अभिनय मन पर्यो…अतुलको स्क्रिप्ट र अद्वैतको निर्देशन अद्भुत छ। यो फिल्मको लागि सम्पूर्ण टिमलाई बधाई छ ।
फ्यानहरू लामो समयदेखि लाल सिंह चड्डाको पर्खाइमा थिए । यो फिल्मबाट आमिर चार वर्षपछि कमब्याक गरेका छन् । आमिरलाई फेरि ठूलो पर्दामा देख्दा फ्यानहरु निकै खुसी छन् ।
फिल्ममा आमिर बाहेक नागा चैतन्य, करीना कपुर खान र मोना सिंहको पनि अभिनय रहेको छ । फिल्मलाई अद्वैत चन्दनले निर्देशन गरेका हुन् ।
