सबिन यादव, सिरहा । विवाह गर्ने आश्वासन दिएर युवतीलाई पटक–पटक बलात्कार गरेको आरोपमा सिरहा प्रहरीले गोलबजारबाट एक युवकलाई पक्राउ गरेको छ।
जिल्ला प्रहरी कार्यालय सिरहाका अनुसार, गोलबजार नगरपालिका ४ का २४ बर्षिय अजय साहलाई पक्राउ गरेको हो ।
जिल्ला प्रहरी कार्यालय सिरहाका निमित्त प्रवक्ता इन्स्पेक्टर धर्मेश यादवका अनुसार, साहमाथि युवतीलाई ललाई–फकाई जबरजस्ती करणी गरेको आरोप छ। मुद्दा दर्ता भएपछि उनी लुकिछिपी बस्दै आएका थिए।
आज राती करिब ८ बजे प्रहरीले उनलाई पूर्व–पश्चिम राजमार्ग अन्तर्गत गोलबजार वडा नम्बर ४ स्थित सातपत्रे खोला नजिक पक्राउ गरेको हो। प्रहरी देखेपछि भाग्ने प्रयास गरेका साहलाई नियन्त्रणमा लिन सफल भएको प्रहरी स्रोतले जनाएको छ।
साहलाई छुटाउनको लागि लाखौँको चलखेल हुन सक्ने स्थानीयहरु बताउँछन् । धनाढय परिवारका साहलाई बलात्कार जस्तो जधन्य अपराधमा समेत उन्मुक्ति दिलाउन चलखेलको सम्भावना रहेको बताउँछन् ।
यता, जिल्ला प्रहरी कार्यालय सिरहाका प्रमुखले यस्ता जधन्य अपराधमा कानुन नबक्सीने बताए ।
