सडकको आवाज संसदमा पुऱ्याउने प्रतिबद्धतासहित सर्लाही – २ बाट सीबी साहको उम्मेदवारी दर्ता
सर्लाही ।
सर्लाही जिल्लाको प्रतिनिधि सभा निर्वाचन क्षेत्र नं. २ बाट आम जनता पार्टीका तर्फबाट चन्द्र भुषण साह (सीबी साह) ले मोबाईल चुनाव चिन्ह लिएर उम्मेदवारी दर्ता गराएका छन् ।
उनले, बदलाब र विकासको शंखघोषसहित उम्मेदवारी दर्ता गर्दै उनले सडकमा उठेको जनआवाजलाई अब संसदसम्म पुऱ्याउने दृढ प्रतिबद्धता व्यक्त गरेका छन् । उम्मेदवारी दर्ताको समयमा सीबी साहले ७६ जना जेन जी आन्दोलनका शहिदहरू सहित देश र जनताको निम्ति आफ्नो अमूल्य जीवनको आहुति दिने सम्पूर्ण ज्ञातअज्ञात शहिदहरूप्रति ससम्मान श्रद्धाञ्जली अर्पण गरेका हुन् । शहिदहरूको त्याग, बलिदान र अधुरा सपनालाई साकार पार्ने संकल्प
का साथ आफू यो राजनीतिक यात्रामा अघि बढेको उनको भनाइ छ ।
सडकमा उठेका जनचाहनालाई राज्यको नीति निर्माण गर्ने थलो संसदसम्म पुऱ्याउने र सर्लाहीको पहिचान, गौरव, सम्मान, समृद्धि तथा श्रेष्ठताका लागि नयाँ अध्याय सुरु गर्ने प्रतिवद्धता सीबी साहले जनाएका छन् । उनले यसपटक सर्लाही निर्वाचन क्षेत्र नं. २ का चेतनशील मतदाताहरूले मोबाईल छापमा मतदान गरी इतिहास रच्ने विश्वास व्यक्त गर्दै “जय जनता, जय मोबाईल” का नारासमेत अघि सारेका हुन् ।
स्थानीय स्तरमा जनमुखी, भ्रष्टाचारविरोधी र विकास केन्द्रित राजनीतिक धारको प्रतिनिधित्व गर्ने उम्मेदवारका रूपमा आजपा प्रवक्ता सीबी साहको उम्मेदवारीलाई सर्लाही – २ मा विशेष चासोका साथ हेरिएको छ ।
