अशोक झा,
राजविराज, ०६ भाद्र ।
सप्तरीको राजविराज नगरपालिकाका निवर्तमान नगर प्रमुख शम्मु यादव लोकतान्त्रिक समाजवादी पार्टीमा सोमवार प्रवेश गरेका छन् ।
राजविराज नगरपालिका स्थित जिल्ला समन्वय समितिको सभाकक्षमा आयोजित पार्टी प्रवेश कार्यक्रम मार्फत उनलाई पार्टीका वरिष्ट नेता राजेन्द्र महतोले फुलमाला तथा अबिर लगाएर पार्टीमा स्वागत गरेका हुन् ।
निवर्तमान नगर प्रमुख यादव सहित राजबिराज नगरपालिका पुर्व कार्यपालिका सदस्य प्रमोद कावडा, निवर्तमान वडाअध्यक्षहरू माँगीलाल नाई, सुदर्शन सिंह, शम्भु प्रसाद यादव “लाली”, शोभालाल मण्डल पनि लोसपामा प्रवेश गरेका हुन् ।
त्यस्तै राजबिराज नगरपालिका वडा नं. ३ नेकपा माओवादी केन्द्र बाट वडाध्यक्ष पदका प्रत्यासी मो. ईर्साद अन्सारी सहित ७ सय भन्दा बढी विभिन्न पार्टी परित्याग गरि लोसपा प्रवेष गरेकाहरूलाई पार्टीका बरिष्ट नेता महतो, लोसपा केन्द्रीय नेता शरद सिंह भण्डारी,अनिलकुमार झा,मधेस प्रदेस अध्यक्ष जितेन्द्र सोनल लगायतले फुलमाला लगाई पार्टीमा स्वागत गरेका छन ।
लोसपा सप्तरी जिल्ला अध्यक्ष सुनिल कुमार झाको अध्यक्षतामा आयोजित कार्यक्रममा प्रतिनिधि सभा सदस्य चन्द्रकान्त चौधरी, दुलारीदेवी खंग, लोसपा नेता गजेन्द्र मण्डल, जयप्रकाश ठाकुर, रविन्द्र मण्डल, उपेन्द्र साह ओविसी, पुनमकुमारी यादव, जिसस उपप्रमुख शम्भु यादव, छिन्नमस्ता गाउँपालिकाका अध्यक्ष विद्यानन्द चौधरी, रुपनी गाउँपालिकाका अध्यक्ष दिनेश कुमार यादव, उपाध्यक्ष पुष्पा लौगी श्रेष्ठ, महदेवा गाउँपालिकाका अध्यक्ष सुनिल कुमार मण्डल, उपाध्यक्ष अन्जु यादव, हरेकृष्ण प्रसाद सिंह “हरिबाबु”, राजेन्द्र प्रसाद यादव, ललन मिश्र, दिपेन्द्र कुमार चौधरी, शैलेश कुमार चौधरी, जिल्ला उपाध्यक्ष वौवा लाल शर्मा, साधना झा, राजकुमार चौधरी, महिन्द्र खंग, कपिल मुखिया, मुसहरु यादव, ललन झा, पिताम्बर यादव, मो याकुब लगायत सयौ नेता तथा कार्यकर्ताहरूको उपस्थिति रहेको थियो ।
